Հայաստան – Լուրեր – Լրատվություն - Օրաթերթ: Ընտրարշավի ընթացքում ոստիկանությունում   61 դեպք  է քննվել

Ընտրարշավի ընթացքում ոստիկանությունում   61
դեպք  է քննվել
================================================================================
Oratert News portal on 06/05/2012 14:23:00

ՀՀ ԱԺ ընտրությունների ընթացքում պատշաճ
կարգով անցկացնելու համար ՀՀ ոստիկանության
պետի հրամանով ստեղծվել է օպերատիվ շտաբ.
Կենտրոնական ընտրական հանձնաժողովում
լրագրողների հետ հանդիպման ընթացքում այս
մասին հիշեցրեց ՀՀ ոստիկանության շտաբի
տեսչական վարչության պետի տեղակալ,
հետաքննության բաժնի պետ Աշոտ Սարգսյանը:

Նա նշեց, որ շտաբի կողմից ընթացք է տվել
քարոզարշավի ընթացքում տեղ ունեցած
խախտումների վերաբերյալ մարդու
իրավունքների պաշտպանի, կուսակցությունների
ու թեկնածուների կողմից ստացված
ահազանգերին, ինչպես նաև լրատվամիջոցներում
առկա հրապարակումներին:
Ոստիկանությունում մինչև ընտրության օրը
քննարկվել և քննարկման փուլում են 61 դեպք,
որոնցից 29-ը Երևան քաղաքում, մնացած 32 դեպքը
մարզերում:
19 դեպքում նյութերով գործ չի հարուցվել`
հանցակազմի կամ հանցագործության
բացակայության պատճառով: