Փարիզում ադրբեջանական կենտրոնի բացման դեմ Ֆրանսիահայերը իրենց բողոքի ձայնն են բարձրացրել
Ֆրանսիայի հայկական կազմակերպությունների համակարգող խորհուրդն իր բողոքի ձայնն է բարձրացնում Փարիզում ադրբեջանական կենտրոնի բացման դեմ:
Ինչպես հաղորդում է թղթակիցը, խորհրդի հայտարարության մեջ նշվում է, որ Ֆրանսիայի նախարարական խորհրդին ադրբեջանական կենտրոնի ստեղծման մասին ծրագիրը ներկայացրել են Ֆրանսիայի վարչապետ Ժան-Մարկ Էյրոն և արտաքին գործերի նախարար Լորան Ֆաբիուսը: «Զարմանալի է, որ այս ծրագիրը նման հրատապություն է ձեռք բերել այժմ, երբ դրա առաջադրումից անցել է երեք տարի: Արդյոք Ֆրանսիայում չկան այլ առաջնահերթություններ»,- հռետորական հարց են ուղղում նամակի հեղինակները:
Ֆրանսահայերը հիշեցնում են, որ Ադրբեջանը կառավարվում է Ալիևների դինաստիայի «երկաթե ձեռքով», «այդ երկրում գործում է հակաժողովրդավարական, ռասիստական մի ռեժիմ, որն ակնհայտորեն ոտնահարում է մարդու իրավունքները»: Միաժամանակ շեշտվում է, որ Ադրբեջանում տիրում է հակահայկական հիստերիա, իսկ Ալիևը ողջ աշխարհի հայությանը համարում է իր երկրի թշնամին:
Անդրադառնալով Ադրբեջանի «մշակութային քաղաքականությանը»` ֆրանսահայերը շեշտել եւ հիշեցրել են, որ նույն այդ երկիրն է Նախիջևանում ոչնչացրել Ջուղայի հինավուրց խաչքարերը:
Ուղղարկել ընկերոջ
Տպագրելու տարբերակ
Տեքստային տարբերակ
Ձեր մեկնաբանությունը