Ամփոփվել են երաժշտական և արվեստի դպրոցների մրցույթ-փառատոնի արդյունքները
Տառաչափ
Երևանի երաժշտական և արվեստի դպրոցների 5-րդ մրցույթ-փառատոնը հունիսի 9-ին ամփոփվել է գալա-համերգով:
Մայիսի 8-ից 21-ն անցկացված մրցույթին մասնակցել է Երևանի երաժշտական և արվեստի 25 դպրոցների 2000 աշակերտ: Մրցույթ-փառատոնն անցկացվել է մեկ փուլով՝ դաշնամուր, լարային նվագարաններ, կիթառ, փողային և հարվածային ժողովրդական գործիքներ, դասական և ժողովրդական մեներգեցողություն, երգչախումբ, համույթներ, սոլֆեջիո-թելադրություն, երաժշտական գրականություն առարկաների անվանակարգերում:
Սահմանված « Լավագույն տասնյակ » մրցակարգը գլխավորում է Երևանի քաղաքապետարանի Սայաթ-Նովայի անվան երաժշտական դպրոցը, 2-րդ տեղում է Կ. Սարաջյանի անվան երաժշտական դպրոցը, 3-րդ տեղում՝ Ղ. Սարյանի անվան երաժշտության և արվեստի դպրոցը:
Երևանի քաղաքապետ Տարոն Մարգարյանի անունից Երևանի քաղաքապետի խորհրդական Արամ Սուքիասյանը մրցույթ-փառատոնի ժյուրիի նախագահ, ՀՀ Երաժշտական ընկերության նախագահ, Երևանի Կոմիտասի անվան պետական կոնսերվատորիայի վոկալ-տեսական ֆակուլտետի դեկան, մշակույթի վաստակավոր գործիչ, պրոֆեսոր Դավիթ Ղազարյանին պարգևատրել է Երևանի քաղաքապետի Ոսկե մեդալով:
Լավագույն տասնյակում ընդգրկված բոլոր դպրոցները, հավաստագրերից բացի, ստացել են նաև դրամական պարգևներ՝ ըստ մրցութային տեղերի:
Ուղղարկել ընկերոջ
Տպագրելու տարբերակ
Տեքստային տարբերակ
Ձեր մեկնաբանությունը