Եվրոպական Եկեղեցիների կոնֆերանսի Կենտրոնական կոմիտեի հանդիպումը
Հունվարի 24-25-ը Ժնևի Էկումենիկ կենտրոնում տեղի ունեցավ Եվրոպական Եկեղեցիների կոնֆերանսի Կենտրոնական կոմիտեի հանդիպումը, որի ընթացքում կոնֆերանսի մասնակիցներն անդրադարձան նոր գլխավոր քարտուղարի ընտրության, 2013 թ-ին կայանալիք Եվրոպական Եկեղեցիների կոնֆերանսի 14-րդ համագումարին և Եվրոպական Եկեղեցիների կոնֆերանսի վերակազմավորման հանձնախմբի զեկույցին:
Ժողովականները Բելգիայի Միացյալ Բողոքական Եկեղեցիների նախագահ վերապատվելի դոկտոր Գի Լիագղային ընտրեցին որպես ԵԵԿ գլխավոր քարտուղար, իրենց դիտարկումները փոխանցեցին 14-րդ համագումարն նախապատրաստող հանձնախմբին, ինչպես նաև քննարկեցին ԵԵԿ վերակառուցման հանձնախմբի ներկայացրած խորհրդակցական փաստաթուղթը: Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ ժողովին մասնակցեց Եվրոպական Եկեղեցիների կոնֆերանսի Կենտրոնական կոմիտեում Մայր Աթոռ Սուրբ Էջմիածնի ներկայացուցիչ, Մայր Աթոռի միջեկեղեցական հարաբերությունների պատախանատու Տ. Հովակիմ եպիսկոպոս Մանուկյանը: Սրբազան Հայրը և Շվեյցարիայի Հայոց թեմի առաջանորդական տեղապահ Տ. Մեսրոպ վարդապետ Պարսամյանը մի շարք հանդիպումներ ունեցան Եկեղեցիների Համաշխարհային Խորհրդի և Շվեյցարիայի Բողոքական Եկեղեցիների ներկայացուցչների հետ` քննարկելով համագործակցության և երկկողմ հարաբերություններին առնչվող հարցեր:
Այս մասին մենք տեղեկանում ենք Մայր Աթոռ Սուրբ Էջմիածնի Տեղեկատվական համակարգից:
Ուղղարկել ընկերոջ
Տպագրելու տարբերակ
Տեքստային տարբերակ
Ձեր մեկնաբանությունը