Թումանյանի բնակարանը գնելու է հայ գործարարը և նվիրաբերելու հայ համայնքին
Հայաստանի վարչապետ Տիգրան Սարգսյանի մոտ այսօր` հունվարի 26-ին տեղի ունեցած խորհրդակցության ընթացքում քննարկվել է Թբիլիսիում գտնվող Հովհաննես Թումանյանի տան հետագա ճակատագիրը:
Մշակույթի նախարարության լրատվական ծառայությունից հայտնում են, որ խորհրդակցությանը մասնակցել են մշակույթի նախարար Հասմիկ Պողոսյանը, փոխարտգործնախարար Շավարշ Քոչարյանը, Գրողների միության նախագահ Լեւոն Անանյանը եւ բանաստեղծի ծոռնուհին` Իրմա Սաֆրազբեկյանը:
Խորհրդակցության ընթացքում Իրմա Սաֆրազբեկյանը տեղեկացրել է, որ Հովհաննես Թումանյանի բնակարանն ունի արդեն գնորդ, ով գործարքից հետո մտադիր է այն նվիրել Թբիլիսիի հայկական համայնքին` հետագայում մշակութային կենտրոնի վերածելու պայմանով:
Վարչապետի հանձնարարականով ՀՀ ԱԳՆ նախարարը բնակարանի վաճառքից հետո վրացական կողմի հետ կքննարկի այն համայնքին հանձնելու հետ կապված իրավական հարցերը:
Ուղղարկել ընկերոջ
Տպագրելու տարբերակ
Տեքստային տարբերակ
Ձեր մեկնաբանությունը