Մշակույթը` որպես Արցախը աշխարհին ճանաչելի դարձնելու լավագույն միջոց
Արցախի նախագահ Բակո Սահակյանը նախօրեին ընդունել է «Ասպետ» ռազմամարզական ճամբարի մասնակից մի խումբ սփյուռքահայ երիտասարդների և «Տնջրե» երիտասարդ կատարողների միջազգային երաժշտական փառատոնի մի խումբ մասնակիցների:
«Ասպետ»-ի երիտասարդների հետ հանդիպման ժամանակ Բ. Սահակյանը կարևորել է Սփյուռքի երիտասարդների մասնակցությունը հայրենիքում կազմակերպվող նման նախաձեռնություններին՝ այն համարելով հայրենասիրական դաստիարակության, ինչպես նաև Հայրենիք-Սփյուռք կապերի ամրապնդման առանցքային բաղադրամասերից մեկը:
Իսկ «Տնջրե» երիտասարդ կատարողների միջազգային երաժշտական փառատոնի մի խումբ մասնակիցների հետ հանդիպման ժամանակ Արցախի նախագահը կարեւորել է նման միջոցառման անցկացումն Արցախում՝ այն համարելով նշանակալի իրադարձություն ինչպես հանրապետության կյանքում, այնպես էլ տարբեր երկրների հետ մշակութային կապերի ստեղծման ու ամրապնդման գործում:
Բակո Սահակյանը նշել է, որ մշակութային ոլորտը մեր հանրապետության զարգացման առանցքային ուղղություններից մեկն է եւ հանդիսանում է Արցախը արտաքին աշխարհին ճանաչելի դարձնելու լավագույն միջոցներից մեկը:
del.icio.us |
Digg
Ուղարկել ընկերոջը
Տպելու տարբերակ
Plain text
Գրանցէք ձեր պատգամը